ⴰⴽⴰⴱⴰⵕ ⵏ ⵓⵎⵓⵙⵙⵓ ⴰⵎⴷⵏⴰⵏ

ⵙ ⵜⵙⵏⵜⴰⵢⵜ ⵏ ⴽⵉⴳⴰⵏ ⵏ ⵉⵡⴰⵟⴰⵏⵉⵢⵏ ⴷ ⵉⴳⵎⴰⵎⵏ ⵏ ⵜⵙⵔⴷⴰⵙⵜ ⵏ ⵓⵙⴷⵔⴼⵉ, ⵉⵜⵜⵓⵙⴽⴰⵔ ⵓⴽⴰⴱⴰⵕ ⵏ ⵓⵎⵓⵙⵙⵓ ⴰⵎⴷⵏⴰⵏ ⵙ ⵜⵖⴰⵔⴰⵙⵜ ⵜⴰⵎⴰⴷⴷⵓⴷⵜ ⴳ ⴱⵕⴰⵢⵕ 1959, ⴷⴼⴼⵉⵔ ⵎⴰ ⴷ ⵉⵜⵜⵓⴳⴷⴰⵍ ⵓⴳⵔⴰⵡ ⵏⵏⵙ ⴳ 1957, ⵢⵉⵡⵙ ⵓⴽⴰⴱⴰⵕ ⵙ ⵜⵖⴰⵔⴰⵙⵜ ⵉⵕⵡⴰⵏ ⴳ ⵓⵙⵖⵣⵏ ⵏ ⵓⴹⴰⵀⵉⵕ ⵏ ⵜⴷⵔⵉⴼⵉⵢⵉⵏ ⵜⵉⵎⴰⵜⴰⵢⵉⵏ ⴳ 15 ⵏⵓⵡⴰⵏⴱⵉⵔ 1958, ⵙ ⵖⵎⴽ ⴰⵏⵏ ⴰⵙ ⵢⵉⵡⵙ ⴳ ⵓⵙⴱⴷⴷⵉ ⵏ ⵜⴽⵉⵕⵉⵟⵜ ⴷ ⵓⴽⴰⴱⴰⵕ ⴰⵎⵢⵉⵡⵏ. ⵉⵜⵜⵓⵙⴽⴰⵔ ⵓⴽⴰⴱⴰⵕ ⴼ ⵜⵡⵉⵏⴳⵎⵜ ⵜⴰⵎⵖⵔⵉⴱⵉⵜ ⵜⴰⵥⵓⵕⴰⵏⵜ, ⴷ ⵉⴽⴽⴰⵏ ⴰⴳⵯⵏⵙ ⴰⵏⴰⵎⵓⵔ ⴰⵎⴷⵏⴰⵏ ⴰⵏⵎⵓⵔ ⵉⵙⵇⵇⵉⵇⵏ, ⵢⵓⵎⵥⵏ ⴳ ⵜⵔⵙⴰⵍ ⵏ ⵜⵎⵜⵜⵉ ⴷ ⵉⵙⴱⴷⴷⵏ ⵜⴰⵕⴰⵄⴰⵢⵜ ⵙ ⵎⴰⵕⵕⴰ ⴰⵏⴰⵡⵏ ⵏⵏⵙ.
ⵙⴳ ⵎⴰⴷ ⵉⵜⵜⵓⵙⴽⴰⵔ, ⵉⵙⵎⵏⵉⴷ ⵓⴽⴰⴱⴰⵕ ⵜⴰⵎⵓⵍⵍⵢⴰⵏⵜ ⵜⴰⵃⴰⵔⴰⴽⵉⵜ ⵉⴱⴷⴷⵏ ⴼ ⵡⴰⵜⵉⴳⵏ ⵏ ⵜⵎⵖⵔⵉⴱⵉⵜ ⴷ ⵉⴽⴽⴰⵏ ⵜⴰⵙⴰⵖⵓⵍⵜ ⵜⴰⵎⴰⵣⵉⵖⵜ ⴷ ⵜⴰⵄⵕⴰⴱⵜ ⴷ ⵜⵓⵙⵍⵉⵎⵜ ⴷ ⵜⵉⵍⵉⵜ ⵜⴰⴼⵔⵉⵇⵉⵜ, ⵉⵡⴰⵜⵜⵙⵏ ⴰⵙⴽⵔ ⵏ ⵜⵣⵔⴼⵜ ⵜⴰⵙⵏⵉⵍⵙⵜ, ⵉ ⵓⵙⴽⵔ ⵏ ⵓⵎⵏⵣⴰⵢ ⵏ ⵜⵢⴰⵏⵜ ⴳ ⵜⵎⵏⵏⴰⵡⵜ ⴷ ⵜⵥⵖⵓⵕⵜ ⵜⴰⵎⵖⵔⵉⴱⵉⵜ ⴷ ⵡⴰⵜⵉⴳⵏ ⵏ ⵜⵏⴰⵎⵎⴰⵙⵜ, ⴷ ⵉⵍⵓⴳⵏⵏ ⵏ ⵜⴷⵉⵎⵓⵇⵔⴰⵟⵉⵜ ⵉⵎⵙⴰⵙⴰⵏ ⴷ ⵓⵙⵡⵉⵏⴳⵎ ⴰⵍⵉⴱⵉⵕⴰⵍⵉ ⴰⵏⴰⵎⵓⵏ ⵢⵓⵎⵥⵏ ⴳ ⵜⵥⵍⴰⵢⵜ ⴷ ⵜⵎⴰⴳⵉⵜ ⵜⴰⵎⵖⵔⵉⴱⵉⵜ ⵉⴱⴷⴷⵏ ⵎⴳⴰⵍ ⵏ ⵉⵎⵣⴰⵣⵏ ⵕⵥⵥⴰⵏⵉⵏ ⴷ ⴽⵓ ⴰⵏⴰⵡⴰⵏ ⵏ ⵓⴱⵔⵙⵙⵉⵡⴷ ⴷ ⵜⴻⵟⵟⵓⵕⴼⴰ.
ⵉⵎⵎⴰⵖ ⵓⴽⴰⴱⴰⵕ, ⵙⵓⵍ ⵉⵎⵎⴰⵖ ⵃⵎⴰ ⴰⴷ ⵜⵉⵍⵉ ⵜⵣⵔⴼⵜ ⴳⵔ ⵉⴳⵔⴰⵏ, ⵍⵍⵉⵖ ⵉⵡⴰⵜⵜⵙ ⴰⵙⵕⵚⵓ ⵏ ⵍⵎⵖⵔⵉⴱ ⵏ ⵜⵎⵏⴰⴹⵉⵏ ⴳ ⵓⵙⴰⵜⵉ ⵏ ⵜⵢⴰⵏⵜ ⵏ ⵜⵎⵓⵔⵜ ⴷ ⵡⴰⴽⴰⵍ, ⵉⵙⴽⵔ ⴳ ⵜⵣⵔⴼⵜ ⵏ ⵉⴳⵔⴰⵏ ⴷ ⵜⵣⵔⴼⵜ ⵜⴰⵏⴰⵎⵓⵏⵜ ⴷ ⵢⵉⵙⴽⵉⵍ ⵏ ⵉⵎⵣⴷⴰⵖⵏ ⵏ ⵢⵉⴳⵔ ⴰⴼⴰⵔⴰⵏ ⴷ ⵉⴷⵔⴰⵔⵏ ⵖⵎⴽ ⴰⵏⵏ ⵓⵍⴰ ⵜⵉⵖⵔⵎⵉⵏ, ⵢⴰⵜ ⵙⴳ ⵜⵙⵏⵜⴰⵢⵉⵏ ⵜⵉⵙⵉⵍⴰⵏⵉⵏ ⴷ ⴰⴽⵛⵓⵎ ⵉ ⵍⵎⵖⵔⵉⴱ ⴳ ⵉⵍⵍⴰ ⵡⴰⴷⴷⵓⵔ ⵉ ⵎⴰⵕⵕⴰ ⵜⴰⵔⵡⴰ ⵏⵏⵙ, ⵍⵎⵖⵔⵉⴱ ⵖ ⵉⵜⵜⵓⴱⴹⴰ ⵡⴰⵢⴷⴰ ⵙ ⵜⵎⴰⵎⴽⵜ ⵜⴰⵣⵔⴼⴰⵏⵜ, ⴰⵢⵍⵍⵉ ⵔⴰⴷ ⵉⴹⵎⵏ ⵉⵎⴰⵍ ⴳ ⵉⵍⵍⴰ ⵓⵔⴳⴳⵉⴳ ⴷ ⵜⵏⴼⵔⵓⵜ ⵙ ⵡⴰⵎⵎⴰⴽ ⵏⵏⵙ ⴰⵙⵜⵔⴰⵜⵉⵊⵉ ⵢⵓⵎⴰⵏ.
ⵉⵣⵣⵉⴳⵣ ⵓⴽⴰⴱⴰⵕ ⵏ ⵓⵎⵓⵙⵙⵓ ⴰⵎⴷⵏⴰⵏ ⵖ ⵜⵡⵓⵔⵉ ⵏⵏⵙ ⵉ ⵓⵙⴽⵔ ⵏ ⵉⵡⵜⵜⴰⵙⵏ ⵏⵏⵙ, ⵙ ⵜⵎⴰⵎⴽⵜ ⵜⴰⴷⵖⵔⵉⵜ ⴷ ⵜⵉⵏ ⵜⵎⴰⵙⴰⵢⵜ, ⵙ ⵜⵡⵓⵔⵉⵡⵉⵏ ⵏⵏⵙ ⵏ ⵓⵙⵡⵉⵏⴳⵎ ⴷ ⵓⵏⵄⴰⵕ ⴳ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵎⴰⵕⵕⴰ ⵉⵙⵇⵇⵉⵎⵏ ⵜⵜⴰⵡⵙⵜⴰⵢⵏⵉⵏ, ⵖ ⵓⵙⵓⵔⵙ ⵏ ⵖⵉⵍⴰⴷ ⵉⵍⵍⴰ ⴳ ⵜⵣⵡⵉⵔⵉ ⵏ ⵓⵙⴰⵢⵔⴰⵔ ⴰⵙⵔⵜⴰⵏ ⵙ ⵜⵉⵍⴰⵍⵜ ⵏ ⵜⵓⵣⵍⵜ ⵍⵍⵉ ⵉⵙⴽⴰⵔ ⴳ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⵙ ⵜⵎⴰⵎⴽⵜ ⵉⴷⵓⵙⵏ ⵉⵖⵣⴰⵏⵏ ⵉⴳⴰⵏ ⵜⴰⵙⵓⵍⴰⵏⵜ.